പരിശുദ്ധ ദൈവമാതാവിനോടുള്ള പ്രാര്‍ത്ഥന
സ്വര്‍ഗത്തിന്‍റെയും ഭൂമിയുടെയും
രാജ്ഞിയായ പരിശുദ്ധ മറിയമേ, കര്‍മ്മലാംബേ , അമലോല്‍ഭവ
ജനനീ, അങ്ങയുടെ വിമല ഹൃദയത്തിനു ഞങ്ങളെ പൂര്‍ണ്ണമായി
സമര്‍പ്പിക്കുന്നു. അമ്മ വഴിയായി ഞങ്ങള്‍ക്ക് ലഭിച്ചിട്ടുള്ള സകലവിധ അനുഗ്രഹങ്ങള്‍ക്കും
ഞങ്ങള്‍ ഹൃദയപൂര്‍വം നന്ദിപറയുന്നു.
പരിശുദ്ധ അമ്മേ നിര്‍മലകന്യകയെ,
പാപാന്ധകാരം നിറഞ്ഞ ഈ ലോകത്തില്‍ സകലവിധതിന്മകളില്‍ നിന്നും അപകട
സാഹചര്യങ്ങളില്‍ നിന്നും ഞങ്ങളെ പ്രത്യേക വിധം സംരക്ഷിക്കണമേ.
കര്‍മ്മലാംബേ – തിരുക്കുടുംബനാഥെ
ഇന്നത്തെ ഞങ്ങളുടെ ആവശ്യങ്ങളില്‍ ഞങ്ങളെ സഹായിക്കുകയും അങ്ങ് തന്നെ ഞങ്ങളുടെ
ഭവനത്തിന്‍റെ അതിനാഥയും സമാധാനത്തിന്‍റെയും ശാന്തിയുടെയും ഉറവിടവും
അഭയകേന്ദ്രവുമായിരിക്കണമേ
ആമ്മേന്‍.
മറിയമേ ഞങ്ങളുടെ ശരണമേ – ഞങ്ങളുടെ രക്ഷയായിരിക്കണമേ
