കൊഴുകട്ട ശനിയാഴ്ച
പുരാതന ക്രിസ്ത്യാനികള് വലിയനോമ്പിന്റെ നാല്പത്തൊന്നാം ദിവസം ഉണ്ടാക്കുന്ന ഒരു പലഹാരം ആണിത്. അമ്പതു നോമ്പിന്റെ ആദ്യ നാല്പതു ദിവസ്സം കര്ത്താവ് നോമ്പ് നോറ്റതിന്റെയും പിന്നീടുള്ള പത്തു ദിവസ്സം കര്ത്താവിന്റെ കഷ്ടാനുഭാവത്തെയും ഓര്ത്ത് ക്രിസ്ത്യാനികള് നോമ്പ് നോല്ക്കുന്നു. കര്ത്താവ് നാല്പതു ദിവസ്സം നോമ്പ് നോറ്റു വീടിയത് പോലെ പുരാതന ക്രൈസ്തവരും നാല്പതു ദിവസ്സം നോമ്പ് നോറ്റു വീടുന്നു. എന്നാല് പിന്നീടുള്ള പത്തു ദിവസ്സം കര്ത്താവിന്റെ കഷ്ടാനുഭാവത്തെയും ഓര്ത്ത് നോമ്പ് അനുഷ്ടിക്കുന്നത് കൊണ്ട് അത് വരെ അനുഷ്ടിച്ചു വന്ന നോമ്പിന്റെ തീഷ്ണത ഒട്ടും കുറക്കാതെ നോമ്പ് വീടുന്നതിനാണ് കൊഴുക്കട്ട ഉണ്ടാക്കുന്നത്. കൊഴുക്കട്ടക്കുള്ളില് തേങ്ങക്കൊപ്പം , തെങ്ങിന് ശര്ക്കരയോ, പണം ശര്ക്കരയോ ചേര്ക്കുന്നു. ശര്ക്കര കള്ളില് നിന്നാണല്ലോ ഉണ്ടാക്കുന്നത്.കൊഴുഎന്നാല് മഴു എന്നര്ത്ഥം . കൊഴു ഭൂമിയെ പിളര്ന്നു ചിതറിക്കുന്നത് പോലെ പാതാള വാതുല്ക്കല് അവരുടെ അസ്ഥികള് ചിതറിക്കപ്പെട്ടു എന്ന 140ആം സന്കീര്തനത്തിലെ വാചകം. നോമ്പിനെ മുറിക്കാന് ഉപയോഗിക്കുന്നത് എന്നര്ത്ഥത്തിലാണ് കൊഴുക്കട്ട എന്ന് ഈപലഹാരത്തിനു പേരുണ്ടായത്.....
കൊഴുക്കട്ട
വേണ്ട സാധനങ്ങള്
1. അരിപ്പൊടി - 1 കപ്പ്
2. നാളികേരം (തേങ്ങ) - അര മുറി
3. ഉപ്പ് - ആവശ്യത്തിന്
4. ശര്ക്കര (ബെല്ലം) - 100 ഗ്രാം.
5. ഏലക്ക - 3 എണ്ണം
6. ചെറിയ ജീരകം - ഒരു നുള്ള്
തയ്യാറാക്കുന്ന വിധം
Step-1: ശര്ക്കര ചൂടാക്കി ഉരുക്കി അരിച്ചെടുത്ത പാനിയില്, നാളികേരം ചിരകിയതും ഏലക്കപൊടിയും,ചെറിയ ജീരകം പൊടിച്ചതും ഇട്ടു നന്നായി ഇളക്കി യോജിപ്പിച്ച് വയ്ക്കുക.
Step-2: അരിപ്പൊടി ആവശ്യമുള്ളത്ര വെള്ളം ചേര്ത്തു നന്നായി കുഴച്ചുവയ്ക്കുക. നല്ല ചൂടുവെള്ളത്തില് കുഴച്ചാല് കൊഴുക്കട്ട ഉണ്ടാക്കുമ്പോള് പൊട്ടിപ്പോകില്ല
Step-3: കുഴച്ച മാവ് ചെറിയ ചെറിയ ഉരുളകളാക്കി, കനംകുറച്ച് പരത്തി, നേരത്തേ തയ്യാറാക്കിയ മിശ്രിതം നിറച്ച്, വീണ്ടും ഉരുളകളാക്കുക,
Step-4: ഈ ഉരുളകള് ആവിയില് വേവിച്ചെടുക്കുക.
രുചികരമായ കൊഴുക്കട്ട തയ്യാര്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ