ദളിത് വിദ്യാർത്ഥികളുടെ ഉന്നതപഠനത്തിനു സഹായവുമായി ഭാരതത്തിലെ മെത്രാൻ സമിതി
ന്യൂഡൽഹി: നിർധനരായ ദളിത് പിന്നോക്ക വിദ്യാർത്ഥികൾക്ക് ഉന്നതപഠനത്തിന് സഹായവുമായി കാത്തലിക്ക് ബിഷപ്പ്സ് കോൺഫറൻസ് ഓഫ് ഇന്ത്യ (സി.ബി.സി.ഐ). ഐഎഎസ്, ഐപിഎസ്, ഐആർഎസ്, ഐഇസ് തുടങ്ങിയ ഉന്നത പരീക്ഷകളെഴുതാൻ തയാറെടുക്കുന്ന ക്രൈസ്തവ വിദ്യാർത്ഥികൾക്കാണ് പുസ്തകങ്ങളും മറ്റും വാങ്ങുന്നതിനായി പതിനായിരം രൂപ വരെ മെത്രാൻ സമിതി നല്‍കുക.
മെത്രാൻ സമിതി ചെയർപേഴ്സൺ നിയോഗിക്കുന്ന, സെലക്ഷൻ കമ്മിറ്റി തിരഞ്ഞെടുക്കുന്നവർക്ക് ധനസഹായം ലഭിക്കുമെന്ന്‍ സി‌ബി‌സി‌ഐ ദളിത് കമ്മീഷന്‍ സെക്രട്ടറി ഫാ. ദേവസഹായരാജ് പറഞ്ഞു. ബയോഡാറ്റയും പാസ്പോർട്ട് സൈസ് ഫോട്ടോയൊടൊപ്പം രൂപതാ പിന്നോക്ക വിഭാഗ കമ്മീഷൻ സെക്രട്ടറിയുടെ ശുപാർശയോടെ ഫണ്ടിന് അപേക്ഷിക്കാം. മാമ്മോദീസ - കമ്മ്യൂണിറ്റി സർട്ടിഫിറ്റുകളും അപേക്ഷയോടൊപ്പം സമർപ്പിച്ച് ഏതെങ്കിലും പരിശീലന സെൻററുകളിൽ പേര് രജിസ്റ്റർ ചെയ്യണം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ